ਸਾਹਨੇਵਾਲ ਤੋਂ ਕਾਂਗਰਸੀ ਵਰਕਰਾਂ ਦਾ ਕਾਫ਼ਲਾ ਰੈਲੀ ਲਈ ਰਵਾਨਾ

SWARNJIT SINGH Feb 12, 2024 43 0

ਲੁਧਿਆਣਾ/ਸਾਹਨੇਵਾਲ (ਸਵਰਨਜੀਤ ਸਿੰਘ)

ਸਮਰਾਲਾ ਵਿੱਖੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਮਲਿਕਾਰਜੁਨ ਖੜਗੇ ਦੀ ਅਗਵਾਈ ਹੇਠ ਹੋ ਰਹੇ ਕਾਂਗਰਸ ਸੰਮੇਲਨ ਚ ਸ਼ਾਮਿਲ ਹੋਣ ਲਈ ਸਾਹਨੇਵਾਲ ਤੋਂ ਸ਼ਹਿਰੀ ਕਾਂਗਰਸ ਪ੍ਰਧਾਨ ਰਮੇਸ਼ ਕੁਮਾਰ ਪੱਪੂ ਅਤੇ ਕਰਨ ਅਨੇਜਾ ਯੂਥ ਕਾਂਗਰਸੀ ਸਾਹਨੇਵਾਲ ਦੀ ਅਗਵਾਈ ਹੇਠ ਕਾਫ਼ਲਾ ਹੋਇਆ ਰਵਾਨਾ।

ਇਸ ਮੌਕੇ ਤੇ ਸ਼ਹਿਰੀ ਪ੍ਰਧਾਨ ਰਮੇਸ਼ ਕੁਮਾਰ ਪੱਪੂ ਨੇ ਕਿਹਾ ਕਿ ਸੂਬਾ ਪੱਧਰੀ ਕਨਵੈਨਸ਼ਨ ਚ ਕੁਲ ਹਿੰਦ ਕਾਂਗਰਸ ਦੇ ਰਾਸ਼ਟਰੀ ਪ੍ਰਧਾਨ ਮਲਿਕਾ ਅਰਜੁਨ ਖੜ੍ਹਗੇ ਵਿਸ਼ੇਸ਼ ਤੌਰ ਤੇ ਪੁੱਜ ਰਹੇ ਹਨ, ਜੋ ਵਰਕਰਾਂ ਨੂੰ ਸੇਧ ਦੇਣਗੇ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿੱਚ ਪਾਰਟੀ ਨੀਤੀਆਂ ਨੂੰ ਲੈਕੇ ਚਰਚਾ ਕੀਤੀ ਜਾਏਗੀ।

ਯੂਥ ਕਰਨ ਅਨੇਜਾ ਨੇ ਕਿਹਾ ਕਿ ਦੇਸ਼ ਭਰ ਵਿੱਚ ਰਾਹੁਲ ਗਾਂਧੀ ਦੀ ਮਿਹਨਤ ਸਦਕਾ ਕਾਂਗਰਸ ਬੂਥ ਪੱਧਰ ਤੇ ਮਜ਼ਬੂਤ ਹੋਈ ਹੈ, ਜਿਸ ਕਰ ਕੇ ਆਉਂਦੀਆਂ ਲੋਕ ਸਭਾ ਚੋਣਾਂ ਵਿੱਚ ਕਾਂਗਰਸ ਦਾ ਸ਼ਾਨਦਾਰ ਪ੍ਰਦਰਸ਼ਨ ਹੋਵੇਗਾ ਅਤੇ ਪੰਜਾਬ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੀ ਪ੍ਰਧਾਨਗੀ ਹੇਠ ਪਹਿਲੀ ਵਾਰ ਹੋ ਰਿਹਾ ਸਮਰਾਲਾ ਵਿੱਚ ਵਰਕਰ ਸੰਮੇਲਨ ਪੰਜਾਬ ਦੀ ਸਿਆਸਤ ਨੂੰ ਬਦਲ ਕੇ ਰੱਖ ਦੇਵੇਗਾ। ਕਿਹਾ ਕਿ ਵਰਕਰਾਂ ਦਾ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।

ਇਸ ਮੌਕੇ ਤੇ ਸ਼ਹਿਰੀ ਪ੍ਰਧਾਨ ਰਮੇਸ਼ ਕੁਮਾਰ ਪੱਪੂ, ਕਰਨ ਅਨੇਜਾ ਯੂਥ ਕਾਂਗਰਸੀ ਸਾਹਨੇਵਾਲ, ਨਿਰਦੀਪ ਕੌਰ, ਆਸ਼ਾ ਕੈਂਥ, ਸੁਨੀਤਾ ਤੇਜਾਨੀਆ, ਨਰੇਸ਼ ਕੁਮਾਰ ਨਾਗੀ, ਰੋਹਿਤ ਭਾਟੀਆ, ਵਿਨੋਦ ਸ਼ਰਮਾਂ, ਲਾਭ ਸਿੰਘ, ਰਾਂਝਾ ਰਾਮ ਅਤੇ ਹੋਰ ਮੈਂਬਰ ਹਾਜਿਰ ਸਨ।