ਹਲਕਾ ਸਾਹਨੇਵਾਲ ਦੀ ਬੇਟੀ ਨੇ ਆਲ ਇੰਡੀਆ ਕਸੀਡੋ ਮਾਰਸ਼ਲ ਆਰਟ ਮੁਕਾਬਲੇ ਵਿੱਚ ਗੋਲਡ ਮੈਡਲ ਜਿੱਤ ਕੇ ਕੀਤਾ ਹਲਕੇ ਦਾ ਨਾਮ ਰੋਸ਼ਨ

SWARNJIT SINGH Dec 4, 2023 48 0

ਸਾਹਨੇਵਾਲ (ਸਵਰਨਜੀਤ ਗਰਚਾ)

ਹਲਕਾ ਵਿਧਾਇਕ ਮੁੰਡੀਆ ਨੇ ਸਾਥੀਆਂ ਸਮੇਤ ਘਰ ਜਾ ਕੇ ਕੀਤਾ ਸਨਮਾਨਿਤ ਅਤੇ ਪਰਿਵਾਰ ਨੂੰ ਦਿੱਤੀਆਂ ਵਧਾਈਆਂ

ਸ਼ਿਕੋਹਾਬਾਦ ਦੇ ਕਰਾਟੀਅਨਸ ਸਕੂਲ ਵਿੱਚ ਕਰਵਾਏ ਤਿੰਨ ਰੋਜ਼ਾ ਕੁਸੀਡੋ ਮਾਰਸ਼ਲ ਆਰਟ ਮੁਕਾਬਲੇ ਵਿੱਚ ਜ਼ਿਲ੍ਹੇ ਦੇ ਖਿਡਾਰੀਆਂ ਨੇ ਸੋਨੇ, ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤ ਕੇ ਸੂਬੇ ਦੇ ਨਾਲ-ਨਾਲ ਜ਼ਿਲ੍ਹੇ ਦਾ ਨਾਂ ਰੌਸ਼ਨ ਕੀਤਾ | ਇਸ ਮੁਕਾਬਲੇ ਵਿੱਚ ਹਲਕਾ ਸਾਹਨੇਵਾਲ ਦੀ 8 ਸਾਲਾਂ ਬੇਟੀ ਹਰਗੁਣਪ੍ਰੀਤ ਕੌਰ ਨੇ ਗੋਲਡ ਜਿੱਤਿਆ ਇਸ ਜਿੱਤ ਦੀ ਖੁਸ਼ੀ ਵਿੱਚ ਬੇਟੀ ਅਤੇ ਪੂਰੇ ਪਰਿਵਾਰ ਨੂੰ ਹਰ ਪਾਸੇ ਤੋਂ ਵਧਾਈਆਂ ਮਿਲ ਰਹੀਆਂ ਹਨ | ਆਲ ਇੰਡੀਆ ਕਵੇਸਾਡੋ ਮਾਰਸ਼ਲ ਆਰਟ ਮੁਕਾਬਲੇ ਕਰਾਟੀਆਨਸ ਸੀਨੀਅਰ ਸੈਕੰਡਰੀ ਸਕੂਲ ਸ਼ਿਕੋਹਾਬਾਦ ਵਿਖੇ ਕਰਵਾਏ ਗਏ ਇਸ ਮੁਕਾਬਲੇ ਵਿੱਚ ਉੱਤਰ ਪ੍ਰਦੇਸ਼ ਤੋਂ ਇਲਾਵਾ ਪੰਜਾਬ, ਉੱਤਰਾਖੰਡ, ਦਿੱਲੀ ਐੱਨ. ਸੀ.ਆਰ., ਰਾਜਸਥਾਨ, ਹਰਿਆਣਾ, ਮੱਧ ਪ੍ਰਦੇਸ਼, ਪੱਛਮੀ ਬੰਗਾਲ, ਝਾਰਖੰਡ ਆਦਿ ਰਾਜਾਂ ਦੇ 450 ਖਿਡਾਰੀਆਂ ਨੇ ਭਾਗ ਲਿਆ ਇਸ ਵਿੱਚ ਓਵਰਆਲ ਜੇਤੂ ਪੰਜਾਬ ਦੀ ਟੀਮ ਰਹੀ |
ਅੱਜ ਹਲਕਾ ਸਾਹਨੇਵਾਲ ਦੇ ਵਿਧਾਇਕ ਹਰਦੀਪ ਸਿੰਘ ਮੁੰਡੀਆਂ ਨੇ ਗੋਲਡ ਮੈਡਲ ਪ੍ਰਾਪਤ ਕਰਨ ਵਾਲੀ ਬੇਟੀ ਹਰਗੁਣਪ੍ਰੀਤ ਕੌਰ ਦੇ ਘਰ ਜਾ ਕੇ ਉਸ ਨੂੰ ਸਨਮਾਨਿਤ ਕੀਤਾ ਅਤੇ ਸਾਰੇ ਪਰਿਵਾਰ ਨੂੰ ਵਧਾਈਆਂ ਦਿੱਤੀਆਂ,ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹਰਦੀਪ ਮੁੰਡੀਆਂ ਨੇ ਕਿਹਾ ਕਿ ਬਹੁਤ ਹੀ ਖੁਸ਼ੀ ਦੀ ਗੱਲ ਹੈ ਕਿ ਛੋਟੀ ਉਮਰ ਵਿੱਚ ਹੀ ਮੇਰੇ ਹਲਕੇ ਦੀ ਬੇਟੀ ਨੇ ਖੇਡਾਂ ਵਿੱਚ ਉਪਲਬਧੀ ਪ੍ਰਾਪਤ ਕੀਤੀ ਹੈ ਮੈਂ ਆਪਣੀ ਪੂਰੀ ਟੀਮ ਨਾਲ ਬੇਟੀ ਅਤੇ ਪਰਿਵਾਰ ਨੂੰ ਮੁਬਾਰਕਬਾਦ ਦੇਣ ਲਈ ਪਹੁੰਚਿਆ ਹਾਂ ਅਤੇ ਕਾਮਨਾ ਕਰਦਾ ਹਾਂ ਕਿ ਬੇਟੀ ਹਰਗੁਣਪ੍ਰੀਤ ਕੌਰ ਹੋਰ ਵੀ ਆਪਣੇ ਸਕੂਲ, ਮਾਤਾ ਪਿਤਾ, ਹਲਕਾ ਅਤੇ ਪੰਜਾਬ ਦਾ ਨਾਮ ਰੌਸ਼ਨ ਕਰੇ। ਇਸ ਮੌਕੇ ਰਾਜੀ ਸਾਹਨੇਵਾਲ,ਫੌਜਾ ਸਿੰਘ ਮੁੰਡੀਆਂ,ਪਰਮਜੀਤ ਸਿੰਘ ਗਰੇਵਾਲ,ਇੰਦਰਜੀਤ ਸਿੰਘ ਗਰੇਵਾਲ, ਤਜਿੰਦਰ ਸਿੰਘ ਸਿੱਧੂ,ਸੰਦੀਪ ਸਿੰਘ ਸੰਧੂ, ਕਰਨੈਲ ਸਿੰਘ ਰਿੰਕਲ,ਅਰਵਿੰਦਰ ਜੌਲੀ,ਅੰਮ੍ਰਿਤਪਾਲ ਸਿੰਘ ਭਾਮੀਆਂ, ਬਲਵਿੰਦਰ ਸਿੰਘ ਰੰਧਾਵਾ, ਪ੍ਰਿੰਸ ਸੈਣੀ, ਦਲੀਪ ਸਿੰਘ, ਚੇਤ ਰਾਮ, ਜਰਨੈਲ ਸਿੰਘ, ਬੱਬੂ ਮੁੰਡੀਆਂ ਆਦਿ ਹਾਜ਼ਿਰ ਸਨ | ਵਿਧਾਇਕ ਹਰਦੀਪ ਮੁੰਡੀਆਂ ਅਤੇ ਉਹਨਾਂ ਦੀ ਸਾਰੀ ਟੀਮ ਦਾ ਜਪਿੰਦਰ ਸਿੰਘ ਗਰੇਵਾਲ ਨੇ ਧੰਨਵਾਦ ਕੀਤਾ |